Боловсрол, соёлын салбарт тасралтгүй 30 шахам жил хөдөлмөрлөж, 300 гаруй бүтээл туурвин олон нийтийн хүртээл болгож, олон арван залуу уран бүтээлчдийг бэлтгэн сургаж, ард иргэд, хүүхэд залуучуудыг соён гэгээрүүлэх үйлсэд олон арван санал санаачилга гарган ажилласан, соёл урлагийн салбарын хөгжилд үнэтэй хувь нэмэр оруулсан “Лето Мюзик” ХХК-ийн захирал Бадарууганы Наранзунд Монгол Улсын Урлагийн гавьяат зүтгэлтэн цол хүртээлээ.

    Энэ үеэр тэрбээр "Өнөөдөр миний хувьд их сэтгэл хөдөлж байна. Наагий маань өнөөдөр алтан гадас одонгоор шагнуулахад, өөрөөсөө илүү Нагийгаа хараад баярлаж байлаа. Өөрийнхөө цаг үед амжилт бүтээл гаргаж байгаа урлаг соёл, нийгэм, эдийн засгийн шижигнэсэн залуу үетэй хамт хүндэт одон, медаль авч байгаадаа бэлгэшээж байна. Урлагийн гайхалтай ахмадуудын засаж өгсөн замаар явсан өчүүхэн ажил, үйлсийг минь үнэлж, хүндтэй шагнал өгсөнд улам их хариуцлагатай байх, цаашид ихийг хийх сэтгэгдлийг төрүүлж байна. Тэнгэрээс харж байгаа аавдаа баярлалаа. Өвөө, аавынхаа захиасыг биелүүлж цаашид хичээх болно" гэв.