Цагдаагийн байгууллагад энэ оны долдугаар сарын 4-ний өдрийн 19:47 цагт Дорнод аймгийн Халх гол сумын хоёрдугаар багийн нутаг дэвсгэр "Буйр нууранд хийлдэг завьтай хоёр том хүн, гурван  хүүхэд алга болсон" гэх дуудлага мэдээлэл бүртгэгдсэн.

      Дуудлага мэдээллийг тус аймаг дахь цагдаагийн газраас шалгахад 22 настай, эрэгтэй Б, 22 настай, эмэгтэй Б, хоёр  настай, эрэгтэй Д, дөрвөн настай, эрэгтэй Т, гурван настай, эмэгтэй М нарын таван  хүн тус нуурын усанд хийлдэг завьтай явж байгаад алга болсон байна.

      Дээрх иргэдийг эрэн хайх, аврах ажиллагааг Сум дундын цагдаагийн тасгаас Хилийн цэргийн .... дугаар анги, хоёрдугаар застав, сумын Гал унтраах 62 дугаар ангийн алба хаагчидтай хамтран зохион байгуулж, өнөөдөр өглөө 05:15 цагт Монгол Улсын усан хилийн ойролцоо дөрвөн километр орчимд Монгол Улсын нутаг дэвсгэрт эсэн мэнд хөвж байсныг олсон байна.