Долдугаар сард болох сонирхолтой фестивалиудыг танилцуулж байна.

“БУЛГАН ХАНГАЙ  2022” АВТО ШОУ

     Монголын Бартаат Замын Авто Спортын Холбоо болон Булган аймгийн ЗДТГ, Орхон аймгийн ЗДТГ хамтран олон улсын “RFC MONGOLIA BULGANKHANGAI 2022” тэмцээн зохион байгуулж байна. Энэ тэмцээнд зөвхөн TR3 буюу мэргэжлийн ангиллын тамирчид уралдах юм байна. “RFC Mongolia Bulgankhangai”2022-Олон улсын бартаат замын тэмцээний батлагдсан маршрут нь Баяннуур сумын Цагаан балгасаас эхэлж Бүрэгхангай, Хишиг-Өндөр, Гурванбулаг сумдыг дайрч сүүлийн өдөр Рашаант, Элсэн тасархайд барианд орох ажээ.

Хэзээ: Долдугаар сарын 6-9

“PLAYTIME НААДАМ”

Хаана: Монгол шилтгээн, Гачуурт тосгон

Хэзээ: Долдугаар сарын 7-10

Тасалбарын үнэ: 250,000 төгрөг

“HOT FESTIVAL”

    Амралт зугаалга, хөгжмийн фестивалийн тоглоомын дүрмийг өөрчилсөн, цоо шинэ Энтертайнмент HOT festival хоёр шөнө, гурван гурван өдрийн турш Элсэн тасархайн байгалийн цогцолбор газарт болно.

  Мөн шинэ соёл бүтээх, шинэ соёлд залуусын оролцоог бий болгох томоохон эвэнтийн зохион байгуулалтын багт ажиллаж нетворк тэлэх, мэдлэг туршлага, найз нөхдийн хүрээллээ нэмэгдүүлэх сонирхолтой залуусыг “Volunteer”-ээр бүртгэх юм байна.

TECH NAADAM SHAMBALA

      Төхөмийн хөндий, Ар цацын ус буюу “Шамбала2056” төслийн талбайд Олон Улсын Урлаг Технологийн Наадам зохион байгуулагдах гэж байна. Эрийн гурван наадмыг технологиор төлөөлүүлж бөхийн барилдааныг хакеруудын тэмцээнээр, морь уралдааныг дроноор, сур харвааны оронд пуужин тавьж өрсөлдөх аж.

   Энэхүү наадмын онцлог нь цөлжилтөд өртсөн бүс нутагт урлаг технологийг хослуулан нөхөн сэргээлт хийх замаар нийт 36,000 мод бүхий ART TECH EMPIRE лэнд арт хийж байгаа бөгөөд худалдан авсан тасалбар бүрт нэг мод дагалдах болно.