Боловсролын салбарт 2022 онд "КОЙКА-гаас хэрэгжүүлэх шинэ төслүүдийн хэлэлцээрийн протоколд БШУ-ны яамны сайд Л.Энх-Амгалан, КОЙКА-гийн Монгол дахь суурийн төлөөлөгч Ким Жүн Му нар гарын үсэг зурлаа.

        Мөн тус үйл ажиллагаанд БНСУ-аас Монгол Улсад суугаа элчин сайд онц бөгөөд бүрэн эрхэт Элчин сайд И Ё Хун, төсөл хэрэгжих их, дээд сургуулийн удирдлагууд, болон бусад төлөөлөгчид оролцлоо.

    КОЙКА нь 1994 оноос хойш Монгол Улсын боловсролын салбарт нийт 40 сая орчим ам долларын буцалтгүй тусламж өгчээ. Тэгвэл энэ жилийн хувьд 60 тэрбум төгрөгийн төслийг хэрэгжүүлэх ажээ.

     Тодруулбал КОЙКА нь ШУТИС, ХААИС-д “Миннесота төсөл”-ийг нэвтрүүлэн хот байгуулалт, ХАА-н салбаруудад чадварлаг хүний нөөцийг бэхжүүлэх зорилгоор Монгол Улсын дээд боловсролын бодлого, тогтолцоог сайжруулах, дээд боловсролын сургалтын хөтөлбөрийг боловсронгуй болгох, судалгаа, шинжилгээг хөгжүүлэх болон технологийн гарааны бизнесийг дэмжих төслүүдийг хэрэгжүүлэх аж.

Энэхүү хэлэлцээрийн дагуу КОЙКА төсөлт ажлуудыг хийнэ. Үүнд:

• Монгол Улсын техникийн болон мэргэжлийн боловсрол, сургалтын тогтолцоог хөгжүүлэх КОЙКА болон GIZ-ийн хамтарсан төсөл
• ШУТИС-д Хот төлөвлөлт, инженерийн тэнхим байгуулах
• Монгол Улсын ерөнхий боловсролын сургуулийн хоолны үйлдвэрлэл, үйлчилгээний орчныг сайжруулах,
• ХААИС-ийн сургалт, судалгаа, үйлдвэрлэлийн уялдаа холбоог сайжруулж, хүний нөөцийн чадавхыг бэхжүүлэх гэсэн гурван төслийг энэ онд шинээр эхлүүлнэ.
• Монгол-Солонгосын Политехник Коллежийн “Хүчин чадлыг сайжруулах” төслүүдийг үргэлжлүүлнэ.

    Мөн БШУЯ-тай хамтран стандарт нийцсэн сургуулийн хоолны үйлдвэрлэл, үйлчилгээний удирдамж боловсруулах, ерөнхий боловсролын арван  сургуулийн үйлдвэрлэлийн орчныг сайжруулах, сургуулийн хоол үйлдвэрлэл, үйлчилгээний мэргэжлийн хүний нөөцийг хөгжүүлэх зэрэгт дэмжлэг үзүүлж монголын хүүхэд, залуусын эрүүл мэндийг дэмжихэд хувь нэмрээ оруулах ажээ.