Хагацлыг бурхан зурж надад үзүүлэх гэсэн мэтэд тэгээд ижийн минь нулимс шиг их улаан навчис үерлэн унасан хэцүү өдрүүд байлаа. Төрсөн өдөр чинь болоод л хүйтэрч эхэлсэн, энд их хүйтэн байгаа хүмүүсийн сэтгэл хөлдөж эхэлсэн дахиж гэсэхгүй байхаа. Тэдний сэтгэлийг халуун там л гэсгээж чадах байх… Хөлдүү сэтгэлээ тэвэрсэн хүмүүс Врубелийн (сууж байгаа ад зэтгэр ( Демон) зураг шиг харагддаг.

За баахан дэмий юм биччихлээ.

Ааваа та…Амар амгаланг олов уу… Энд хүмүүс амар амгаланг буруу газраас хайгаад байх шиг санагдана… тийм үү… Бурханд л ганц байдаг болохоор хүмүүс амар амгаланд шунан дурладаг байх … тийм үү…?

Сониноос аав энд бүгдийг худалдаж байгаа… өөрт байгаа бүхнээ зарж байгаа, амьдрах гэж л тэр шүү дээ… өөрт байгаагаар нь биеэ зарж байгаа… хайрыг хүртэл зардаг болсон шартаад сэртлээ хайртай байгаад сэрээд л үзэн ядаж эхэлдэг болсон. Архиар зардаг гэсэн үг л дээ… Архиар юм болгоныг сольж болж байгаа болохоор хүмүүс их архи ууж байна.

өө тийм таны төрсөн өдөр их сайхан болсон шүү… ааваа намайг хүмүүс дуудаад байна.. дараа цааш нь бичнэ… өвөө эмээ болон таньдаг хүмүүс дайралдсан бол мэнд хүргээрэй… за түр баяртай

Л.Хасар /"Болор цом"-ын эзэн, яруу найрагч/ 2019.11.26/

Их найрагчийн хүү Л.Хасар тэнгэрийн оронд дэвшжээ. Ум сайн амгалан болтугай.