Баян-Өлгий аймгийн засаг дарга Д.Бауыржан БШУЯ-ны Хяналт-шинжилгээ, үнэлгээ дотоод аудитын газрын дарга Ч.Энх-Амгаланаар ахлуулсан ажлын хэсгийг хүлээн авч уулзлаа.

   Ажлын хэсэг БШУЯ-ны сайдын тушаалаар аймгийн БШУГ, МҮСТ-ийн үйл ажиллагаанд төлөвлөгөөт хяналт шинжилгээ, үнэлгээ, дотоод аудит хийх болон улсын төсвийн хөрөнгө оруулалтаар хэрэгжиж буй удааширалттай байгаа төсөл, арга хэмжээнүүдэд төлөвлөгөөт бус хяналт шалгалт хийх зорилгоор манай аймагт энэ сарын 24-30-ны хүртэлх хугацаанд ажиллалаа.

       Хяналт-шинжилгээ, үнэлгээ дотоод аудитын газрын дарга Ч.Энх-Амгалан тус хугацаанд хийгдсэн хяналт шалгалтын урьдчилсан тайлангийн үр дүнг засаг даргад танилцуулж холбогдох зөвлөмжүүдийг өгч  нэгдсэн тайланг аудитын хороонд тайлагналаа.

        Түүнчлэн уулзалтын үеэр талууд ЭЕШ-ын үр дүн, аймгийн боловсролын салбарт тулгамдсан асуудлууд, цаашид авч хэрэгжүүлэх арга хэмжээнүүдийн талаар санал мэдээлэл солилцлоо. Мөн аймгийн зүгээс боловсролын салбарт авч хэрэгжүүлж байгаа төсөл арга хэмжээнүүдийг танилцуулсан юм.