Нийслэл дэх Захиргааны хэргийн анхан шатны шүүхээс МУГТ, улсын гарди П.Сүхбатад Улсын арслан цолыг нөхөж олгохгүй байгаа нь хууль бус болохыг тогтоосон байна. Хуульч Н.Эрхэмбаяр, П.Сүхбат агсны гэргий Д.Сарангэрэл нарын нэхэмжлэлтэй уг шүүх хурал зургадугаар сарын 13-нд болсон байна. Тодруулбал, Монгол Улсын Үндсэн хуулийн 14.2, Үндэсний их баяр наадмын тухай хуулийн 3.1, 12.4.1 дэх заалтад заасныг баримтлан нэхэмжлэгч Д.Сарангэрэлийн нэхэмжлэлийн шаардлагыг бүхэлд нь хангаж, Монгол Улсын гарди П.Сүхбат агсанд Монгол Улсын арслан цол олгохгүй байгаа үйлдэл нь хууль бус болохыг тогтоож, түүнд арслан цол олгох асуудлыг шийдвэрлэхийг хариуцагч нарт даалгаж шийдвэрлэсэн гэх мэдээлэл бий.

Энэ талаар түүний гэргий Д.Сарангэрэлээс тодрууллаа. Тэрбээр “Ханьд минь “Арслан цол нөхөц олгохоор болсон” гэх албаны мэдээлэл ирээгүй байна. Шүүхэд хандсан нь үнэн. Ямар хариу гарахыг хэлж мэдэхгүй удаан хүлээж байна” гэлээ.