Үндсэн хуулийн цэцийн Их суудлын хуралдаанаас гаргасан шийдвэртэй холбогдуулан УИХ-ын гишүүн Т.Доржханд мэдээлэл өглөө.

Тэрбээр “УИХ-ын гишүүн Ц.Даваасүрэн буруу ойлголт өгөхөөр мэдэгдэл хийлээ. Ц.Даваасүрэн гишүүнийг Үндсэн хуулийн цэцийн шийдвэрийг судалж байгаад мэдэгдэл хийхгүй яасан юм бол гэж харамсаж байна. Үндсэн хуулийн цэцийн шийдвэрээр Монгол Улс зөвхөн мажортори тогтолцоо буюу олонхын тогтолцоогоор явах нь буруу. Өөрөөр хэлбэл, хувь тэнцүүлсэн тогтолцоог ашиглах хууль, эрх зүйн орчин бий шүү дээ. Үүнийгээ тодорхой болгохдоо Их суудлын хурлаар гаргасан. 2016 оны сонгууль эхлэхээс өмнөхөн Үндсэн хуулийн цэцэд тухайн үеийн эрх баригч нам, тодорхой улстөрчдийн захиалгын дагуу сонгуулийн хуульд өөрчлөлт оруулсан. Ер нь сонгууль болохын өмнө эрх барьж буй нам өөрсдөдөө зориулж хууль санаачилдаг. Ямар дүрмээр сонгуульд орох гээд байгааг нь иргэд нь мэддэггүй. Ингээд сонгуулиа зарим иргэн өгч чаддаггүй бодит түүх бий. 2016 оны дунд суудлын хуралдааны УИХ-ын дарга хүлээн авч, сонгууль сарын дараа мажортори тогтолцоогоор явсан байдаг. Түүнээс хойш Их суудлын хуралдаан хуралдаагүй” гэлээ.