Монгол Улсын насанд хүрэгчдийн аварга шалгаруулах дугуйн тэмцээн гурван өдөр амжилттай зохион байгуулагдаж, шилдгүүдээ шалгарууллаа.

    Бөөн гараат уралдааны Элит-эрэгтэй ангилалд ОУХМ Б.Марал-Эрдэнэ түрүүлжээ. Мөн уг тэмцээний “Under-23” ангилалд “Хубилай” клубын тамирчин ОУХМ Н.Амартүвшин, Элит-Эмэгтэй ангилалд спортын мастер Ж.Анужин “Team OGGI” нар түрүүллээ.

      Тус уралдаан гурван өдрийн нийлбэр дүнгээр ОУХМ А.Алтансүх дасгалжуулагчтай “Team OGGI” баг түрүүлж, аваргын алтан цом гарджээ. Онцлох тамирчнаар Өсвөрийн ангиллаас өгсөж уралдан, медаль авсан А.Даваажаргал, Т.Хонгорзул нар шалгарсан байна.