Засгийн газраас баталсан журмын дагуу нэг сая ба түүнээс доош төгрөгийн цалинтай иргэдийн НДШ-ийн шимтгэлийн 50 хувийг  энэ оны 5-12 дугаар сарын хооронд сар бүр буцаан олгохоор болсон.

     Энэ талаар Хөдөлмөр, Нийгмийн Хамгааллын сайд А.Ариунзаяа "Нийгмийн Даатгалын Шимтгэлийн  50 хувийн буцаан олголт газрын тос болон уул уурхайн салбарт ажилладаг иргэдэд хамаарахгүй. Эдгээрээс бусад салбарын ажилтнуудад хамаарна. Өөрөөр хэлбэл иргэн өөрийн төлдөг 9.5 хувийн шимтгэлийн 50%-ийг он дуустал буцаан авна. Хувиараа НДШ төлөгч нарт мөн адил буцаан олголт өгнө. Энэ нь түр зуурын арга хэмжээ. Харин Эрүүл Мэндийн Даатгалын шимтгэлд өөрчлөлт ороогүй” гэж хэлж байсан юм.

      Тэгвэл шийдвэрийн дагуу иргэдийн дансанд тавдугаар сарын шимтгэлийн буцаан олголт орж эхэллээ.