Цахим гав нь бороонд норсны улмаас ажиллахаа больсон, ямар ч усны хамгаалалтгүй байгаа талаар иргэн Д.Отгонтуяа цахим хуудастаа бичжээ.

    Бид цахим гавтай холбоотой асуудлаар иргэн Д.Отгонтуяагаас тодруулахад “Ямар ч усны хамгаалалтгүй цахим гав маань бороонд норсны улмаас ажиллахаа болилоо. Нийслэлийн шүүхийн шийдвэр гүйцэтгэх газарт солиулахаар очиход, “Танд үүрэг хариуцлагыг нь уншуулсан. Та  780 мянган төгрөгөөр солих ёстой гэсэн хариу өгсөн. Одоогоор 1400 хүн цахим гав зүүсэн байгаа. Тэгээд өөрсдөө ийм усны хамгаалалтгүй, хүүхдийн шумуулаас хамгаалах бугуйвчнаас дор эд зүйл зүүлгэчихээд, хүмүүсээс ийм өндөр үнэ хэлж байгаа нь сонин байна. Хамгийн гол нь энэ мөнгө хаашаа ордог юм бол, хуучин ийм зүйл гарт зүүлгэчихээд мөнгө авах гээд байгаа нь сонин байна. Би юутай ч солиулаад гарч ирсэн. Одоо тэгээд 780 мянган төгрөгөө төл гэх байх, миний хувьд төлөхгүй л гэсэн бодолтой байна” гэв.