Төв цэнгэлдэх хүрээлэнгийн  наадмын бэлтгэл ажилтай Хотын дарга Д.Сумъяабазар танилцжээ.

     Энэ тухайд тэрбээр өөрийн цахим хуудсандаа "Төв цэнгэлдэх хүрээлэн 1958 онд байгуулагдсан ба төмөр бетон болон тоосгон холимог хийцтэй. Мөн 12 мянган хүний багтаамжтай, талбайн хэмжээ 105 x 68 м. Хүрээлэнгийн арын талбайд 1961 онд Ардын хувьсгалын 40 жилийн ойгоор Соёмбот баганыг босгосон. 2014 онд хуучин модон сандлуудыг шинэчилж хүн бүр тусдаа суух боломжтой, хуванцар түшлэгтэй сандлаар сольж байсан. Тэр цагаас хойш засвар шинэчлэлтийн ажил хийгдээгүй юм. Харин энэ жил төв цэнгэлдэх хүрээлэн болон орчны тохижилтыг бүрэн хийж байна.Тохижилтын ажил ирэх долоо хоногт бүрэн дуусна" гэжээ.

  Энэ жилийн хувьд бид Ардын хувьсгалын 100, 101 жилийн ойгоо хамтатган өргөн дэлгэр тэмдэглэж наадмын нээлтийг Төв цэнгэлдэх хүрээлэнгээс Н.Наранбаатарын найруулгаар үзэх юм.