Дэлхий дахинд осол гэмтлийн улмаас жил бүр 5.8 сая хүн амиа алдаж, 600 гаруй сая хүн бэртэж гэмтэж, хөгжлийн бэрхшээлтэй болж, 700 тэрбум ам.долларын хохирол учирдаг байна. Харин зам тээврийн ослын улмаас 1.25 сая гаруй хүн амиа алдаж, 50 гаруй сая хүн бэртэж, гэмтэж 65 тэрбум ам.долларын хохирол учруулж байгаа нь хүн амын нас баралтын гурав дахь гол шалтгаан болж байгаа тухай дэлхийн Эрүүл мэндийн байгууллагаас онцолжээ.

       Сүүлийн таван жилийн байдлаар  Монгол улсын хэмжээнд 5152 хүүхэд осолд өртсөнөөс 4951 хүүхэд зам тээврийн  осолд орсон байна. Үүний улмаас 196 хүүхэд амиа алдаж,  4956 хүүхэд гэмтэл авснаас 347 хүүхэд хүндэвтэр, хүнд гэмтсэн байна. Тухайлбал,

    Баян-Өлгий-Улаанбаатар чиглэлийн нислэгийн хуваарийг өөрчилж, Зам тээврийн осол, хэргийн улмаас амиа алдсан хүүхдийн 70 орчим хувь нь тээврийн хэрэгслээр зорчиж явсан ба тээврийн хэрэгсэл хурд хэтрүүлж онхолдох үед хамгаалах бүс болон зориулалтын суудал хэрэглээгүй улмаас цонхоор шидэгдэх, тээврийн хэрэгсэлд дарагдаж амиа алдсан, 20 орчим хувь нь хүүхэд эцэг, эх асран хамгаалагч нь тээврийн хэрэгслийн хөдөлгөөн эхлэхдээ хайхрамжгүй хөдөлсний улмаас автомашинд дайруулсан бол үлдсэн 10 орчим хувь нь явган явахдаа зам тээврийн осолд өртсөн байна.

      Тиймээс Сүхбаатар дүүргийн Цагдаагийн газрын Замын цагдаагийн хэлтсийн дарга, цагдаагийн хошууч М.Эрхэмбилэг замын хөдөлгөөнд соёлтой оролцохыг анхааруулж, зөвлөмж өгсөн юм. Тэрбээр "Зуны улирал ирж сургууль, цэцэрлэгүүд амарсантай холбоотой гэр бүлээрээ аялал зугаалгаар явах, зусландаа очиж амрах хугацаандаа эцэг эхчүүд та бүхэнд хүүхдийг зам тээврийн осол, хэргээс урьдчилан сэргийлэх зорилгоор дараах зөвлөмжийг хүргэж байна. Үүнд:

-Бага насны хүүхдийг зориулалтын суудалд суулгаж тээвэрлэх;

-Хамгаалах бүсийг тогтмол зүүлгэж хэвшүүлэх;

-10 хүртэлх насны хүүхдийг харгалзах хүнгүйгээр замын хөдөлгөөнд оролцуулахгүй байх;

-Хорооллын доторх хөдөлгөөнд зогсож буй тээврийн хэрэгслийн дундуур хүүхэд гэнэт гарч ирэх тул хурдаа тохируулж явах;

Тээврийн хэрэгслийн хөдөлгөөнийг эхлүүлэхдээ заавал тойрч өөрийн биеэр шалгаж байх Аажуу явбал аяндаа хүрнэ дээ, Бүү яар бүү хурдал та бүгдийг хайртай үр хүүхэд гэр бүл чинь хүлээж байгаа" гэв.