ОХУМ М.Мөнхгэрэл алтан медалийн төлөө барилдахаар болжээ. Тодруулбал, Кыргызстаны нийслэл Бишкект хотод "U17” насны Азийн аварга шалгаруулах тэмцээн өндөрлөж, “U23” ангиллын тэмцээн сонгомол бөхийн төрлөөр  үргэлжилж байгаа. Тус тэмцээнд Монгол Улсаас гурван эмэгтэй бөх оролцож байгаа юм. Тэгвэл өнөөдөр  өсвөр үе, залуучуудын ДАШТ-ий хүрэл медальт, Сонгинохайрхан дүүрэг, “MJ” клубийн тамирчин ОУХМ М.Мөнхгэрэл Энэтхэг Улсын тамирчин Неелам болон Кыргызстан Улсын тамирчин Назик Мирлан Кызыг нарыг цэвэр ялж, алтан медалийн төлөө барилдах болзлоо хангалаа.

 Ингэхдээ тойргийн сүүлийн барилдаан болох алтан медалийн төлөө Казахстаны Лаура Ганикызытэй барилдах юм.