Хан-Уул дүүргийн 17 дугаар хороонд байрлах “Маршал таун” хотхонд шинээр барьж буй барилгын өргүүр унаж, нэг иргэн амиа алджээ. Тодруулбал, 16:00 цагийн үед тус хотхонд шинээр барьж буй барилгын өргүүрээс хоёр хүн унаж, нэг нь нас барсан гэх дуудлага цагдаагийн байгууллагад ирсэн байна.

      Энэ талаар ЦЕГ-ын Хэвлэл мэдээлэл, олон нийттэй харилцах хэлтсийн дарга Б.Баатархүүгээс тодрууллаа.“Бид дуудлагын дагуу мөрдөн шалгах ажиллагааг үргэлжлүүлж байна. Шалгалтаар тус дүүргийн 17 дугаар хороонд байрлах “Маршал таун” хотхоны урд хэсэгт шинээр барьж байгаа барилгын зургаан давхрын гадна шилэн фасад хийж байсан 37 настай эрэгтэй Б, 35 настай эрэгтэй Э нар унаж, Б нь нас барсан байна. Харин 35 настай Э-г яаралтай түргэн тусламж дуудаж, эмнэлэгт хүргэсэн. Тус хэргийг Хан-Уул дүүргийн цагдаагийн нэгдүгээр хэлтсийнхэн үргэлжлүүлэн шалгаж байгаа" гэв.