Монголын залуучуудын холбооны Ерөнхийлөгч асан О.Гэрэлт-Одыг АТГ-аас шалгаж эхэлжээ. Тодруулбал, түүнийг МЗХ-ын Ерөнхийлөгчөөр ажиллаж байхдаа байгууллагын нэр дээр гурван тэрбум 257 сая төгрөгийн өр тавьсан гэх гомдол АТГ-т ирсэн талаар эх сурвалж хэллээ. Тэрбээр 150 мянган ширхэг “Андын гэрэгэ” энгэрийн тэмдгийг  243 сая төгрөгөөр хийлгэж, өр тавьсан гэх мэдээлэл бий.

         Мөн нийгмийн даатгалд 93 сая төгрөг, татварт 335 сая төгрөгийн өр тавьсан нь тогтоогджээ. Ингээд зогсохгүй “Амбага-Овоо” ХХК-тай "16 давхар барилгыг 24 тэрбум төгрөгөөр барина” гэж гэрээ хийгээд, гэрээгээ үндэслэлгүйгээр цуцалсан аж. Үүнтэй нь холбоотойгоор 2.3 тэрбум төгрөгийн шүүхийн нэхэмжлэл О.Гэрэлт-Одын нэр дээр гарсан байгаа гэнэ. Иймд түүнийг АТГ-аас төсвийн мөнгийг зориулалт бусаар захиран зарцуулсан зэрэг үндэслэлээр шалгаж байгаа аж.