Сэлэнгэ аймагт согтууруулах ундаа хэрэглэсэн үедээ цахилгааны шон дээр гарсан иргэнээс болж хоёр цаг цахилгаан тасарчээ.

Тодруулбал, “Сэлэнгэ аймгийн Сүхбаатар сумын Баянхан багийн дөрөвдүгээр  гудамж цахилгааны тулгуур багана дээр нэг хүн согтуугаар гарсан, унаж болзошгүй байна” гэсэн дуудлага зургадугаар сарын 22-ны 21:40 цагт ОБЕГ иржээ. Дуудлагын дагуу Онцгой байдлын газрын Эрэн хайх, аврах ангийн алба хаагчид очиход 47 настай, эрэгтэй О согтуугаар Сүхбаатар-Алтанбулаг чиглэлийн цахилгаан дамжуулах агаарын шугамын 35 кв-ын 25 метрийн өндөртэй тулгуур багана дээр гарсан байсан тул Сүхбаатар-Алтанбулаг чиглэлийн хүчдэлийг 22:10 цагаас 00:30 цаг хүртэл тэжээлээс нь салгуулж, нийт гурван цаг ярилцлага хийж тухайн иргэнийг эсэн мэнд буулгаж, аймгийн Цагдаагийн газрын жижүүрийн мөрдөгчид хүлээлгэн өгсөн байна.