Дотоодын  цэргийн 05 дугаар ангийн цэрэг амиа алдсан хэргийн талаар Дотоодын цэргийн штабаас мэдээлэл хийлээ.

      Энэ үеэр Дотоодын хэргийн штабын дарга хурандаа Р.Чингис “Энэ сарын 15-нд тангараг өргөх ёслол болж, албан хаагчийг ар гэрийнхэн нь ирж эргэсэн. Түүнээс хойш энэ харамсалтай хэрэг болсон. Амиа алдсан байлдагчийн гэр бүл болох нагац ах Батнасан, эхнэр Цэндмаа нар зургадугаар сарын 17-ны өглөө надтай уулзахад, бид харамсаж байгаагаа илэрхийлж, бүх зүйлд нь дэмжлэг туслалцаа үзүүлнэ гэдгийг хэлсэн.Бид хамгийн түрүүнд нас барсантай холбоотойгоор хуулийн байгууллагыг шалгах нь зүйтэй гээд ЦЕГ-ын Мөрдөн байцаах албаны тусгай субъектийг хариуцсан хэлтэст албан ёсоор бичиг хүргүүлж, мөрдөн байцаах ажил эхэлсэн. Ар гэрийнхэн нь мөн Сонгинохайрхан дүүргийн цагдаагийн хэлтэст өргөдөл гаргасан байсан. Тухайн өдөр ЦЕГ-ын Дотоод аюулгүй байдлын газар, Дотоодын цэргийн штабын Дотоод аюулгүй байдал, хяналт шалгалтын хэлтэс, Сонгинохайрхан дүүргийн цагдаагийн хэлтэс хойшлуулахгүй ажиллагаа явуулсан. Мөн Мөрдөн байцаах албаны Тусгай субъект мөрдөх хэлтсийн алба хаагч нар ажиллагаа явуулсан” гэв.