Дотоодын цэргийн тавдугаар ангийн алба хаагчийн үхлийн шалтгааны талаар ШШҮХ-гийн удирдлага болон шинжилгээ хийсэн эмч нар мэдээлэл өгч байна. Энэ үеэр Цэргийн төв эмнэлгийн зөвлөх эмч, хошууч Ц.Ганболд мэдээлэл өглөө.

   Тэрбээр "Цэргийн албан хаагч 18 настай эрэгтэй Н-ийн цогцост шүүх эмнэлгийн задлан шинжилгээг ажлын бүрэлдэхүүний хамтаар хийсэн. Ар гэрийн хоёр төлөөлөл оролцсон. Шинжилгээний явцад камераар бичлэг хийх болон фото зураг авч баталгаажуулсан. Зохих журмын дагуу шинжилгээнүүдийг хийсэн. Цогцостой хамт хагалгааны үед тайрагдсан ходоод ирсэн. Ходоодыг нь бэхжүүлэх уусмалд хийсэн байсан. Биднийг хэмжихэд ходоод нь 14 см задарсан байсан. Гадна үзлэг, өвчний түүхийг нь харахад гэмтэл байхгүй байсан. Шинжилгээ хийх үед тарианы ором, хатгалт бол байсан" гэлээ.