Цахим сүлжээнд өсвөр насны хүүхдүүд нэгнийгээ зодож, танхайрч буй бичлэг өчигдөр олон нийтийн сүлжээгээр цацагдсан. Тодруулбал, Текник, технологийн коллежийн хоёрдугаар дамжааны оюутан Б нь Баянгол дүүргийн 11 дүгээр хорооны 12 дугаар байрны тоглоомын талбайд М-ийг найзтайгаа үерхсэн хэмээн хардаж, биед нь халдсан байдаг. Энэ талаар хохирогчийн ахаас тодрууллаа. 

           Тэрбээр “Дүүгээ бусдад зодуулсан талаар мэдээгүй. Биднээс нуусан юм билээ. Би бусадтай адил өчигдөр олон нийтийн сүлжээнээс мэдсэн. Дүү минь амралтаараа хөдөөний айлд мал маллахаар явсан. Цагдаа нар өнөөдөр очиж авчирна гэж байна лээ. Дүүтэйгээ уулзаагүй болохоор юу болсон талаар нь хэлж мэдэхгүй байна. Бид ах, эгчийнхээрээ байдаг. Дүү минь нагац эгчийнд амьдардаг юм. Өглөө цагдаагийн газраас надтай холбогдож дэлгэрэнгүй мэдээлэл өгч болохгүй гэсэн” гэлээ.

     Ташрамд дурдахад, М-ийн бие халдсан сурагч нь “Сэтгэмж” цогцолбор сургуульд сурч байгаад хоёр жилийн өмнө Япон-Монголын хамтарсан сургууль руу шилжжээ. Цахим сүлжээнд цацагдсан дүрс бичлэгт “Чи манай найзтай үерхсэн юм биш үү” гээд биед нь халдаж байгааг харуулсан. Тодруулбал, хүүг зодож эхлэхдээ “Чи үерхсэн гэл үү” хэмээн асуухад зодуулсан хүү “Би үерхээгүй шүү дээ. Амлаж байна. Би үерхээгүй” гэж хэлж байгаа нь тодорхой харагдаж, сонсогдож байгаа юм.