Үндэсний их баяр наадмын бэлтгэл ажилтай холбоотойгоор Төв цэнгэлдэх хүрээлэнд болох байсан "Камертон", "Никитон", "Харанга" зэрэг хамтлагийн хамтарсан The night of us” тоглолтыг цуцалсан тухай мэдээлэл бий. Тэгвэл энэ талаар “Камертон” хамтлагийн дуучин Г.Мэнд-Амар мэдээлэл өглөө.

                   Тэрбээр “Энэ жил Ардын хувьсгалын 101 жилийн ой тохиож байгаа. Үүнтэй холбоотойгоор бэлтгэл ажил хийх байгаа тул Төв цэнгэлдэх хүрээлэнд болох байх “The night of us” тоглолт цуцлагдлаа. Харин тоглолтыг зохион байгуулагчид ярилцаад “The night of us” тоглолтыг Үндэсний соёл амралтын хүрээлэнд зохион байгуулахаар болсон. Үнэхээр гэнэтийн шийдвэр байлаа. Гэхдээ би өөдрөс талаас нь харъя гэж бодож байна. Бүгдээрээ Үндэсний соёл амралтын хүрээлэнд уулзацгаая. Илүү сайн тохижилт, хоолны газар, ариун цэврийн өрөө, алхах талбай гэх зэргээр нөхцөл байдал илүү таатай болж байгаа гэж бодож байна” гэв.