АТГ-ын Олон нийтийн зөвлөлийн гишүүд  "Лиценз дагасан авлига"-ын талаар хэвлэлийн хурал хийлээ.

   Энэ үеэр сэтгүүлч Б.Отгон "Монгол Улсын төсвийн 90 хувь нь уул уурхайгаас хамаардаг. Гэхдээ үүний 10 гаруй хувь нь эдийн засагт нөлөөлж байна. Бусад мөнгө нь гадаад орны халаасанд байна шүү дээ. Энэ олон уул уурхай 30 жилийн өмнө байгаагүй, олон уурхайтай ч ашиглаж чадахгүй хэвээр л байна. Олон нийтэд хүртээлтэй, Монгол Улсдаа ашигтай байх талыг дүгнэхгүйгээр олон лицензийг олгож байна. Өнөөдөр Засгийн газрын шинэ сэргэлтийн бодлогын III зүйлд Монгол Улс ашиглалтын болон хайгуулын лиценз тоогоо нэмнэ гэж заасан. Хэдхэн хоногийн өмнө говийн малчид ирж төв талбай дээр ирж уул уурхайн олборлолтын эсрэг жагсаал хийсэн. Гэтэл энэ хөтөлбөр хэвээрээ байгаа. Үүний ард асар их хэмжээний авлигал явж байна гэж харж байна. Бид авлигын эсрэг үйл ажиллагаанд иргэдийг татан оролцуулж, эрх бүхий газруудад хандаж, хяналт шаардлага тавьж ажиллаж байна. Сүүлд Хөгжлийн банкны асуудлаар ч хууль, шүүхийн байгууллагад хандсан. Энэ хурал бол захиалгатай биш эх орны тусгаар тогтнолд нөлөөлөх хэмжээнд хүрсэн учир дуугарч байна" гэв.