Шүүхийн ерөнхий зөвлөлөөс Улсын дээд шүүхийн шүүгчид Н.Баярмаа, Д.Батбаатар нарыг нэр дэвшүүлэн Улсын Их Хуралд ирүүлсэн. Хууль зүйн байнгын хорооны энэ сарын 17-ны хуралдаанаар нэр дэвшигчтэй хийх нэр дэвшигчийн сонсголыг долдугаар сарын 4-ний өдөр зохион байгуулахаар шийдвэрлэлээ. Улсын дээд шүүхийн шүүгчид нэр дэвшигчийн танилцуулгатай дараах холбоосоор танилцах боломжтой.

    Нэр дэвшигчийн сонсгол явуулахтай холбогдуулан иргэд, олон нийт нэр дэвшигчдийн мэдээлэлтэй танилцаж, сонирхож буй асуулт, санал, хүсэлтээ ажлын хэсгийн 51-267155 утсаар болон [email protected] хаягаар ирүүлнэ. Мөн нэр дэвшигчийн сонсголд оролцох хүсэлтэй иргэн, хуулийн этгээд, хэвлэл мэдээллийн байгууллага, олон нийтийн байгууллага “Нэр дэвшигчийн сонсголд оролцогчийн бүртгэлийн хуудас”-ыг бөглөж долдугаар сарын 2-ны өдрийн 17:00 цагаас өмнө [email protected] имэйл хаягаар ирүүлнэ.

Эх сурвалж: Хууль зүйн байнгын хорооны Ажлын алба