Төв аймгийн Эрдэнэ сумын нутагт орших Хагийн хар нуур гэх газар руу Багануур дүүргийн харьяат хоёр хүн самар түүхээр яваад нэг нь сураггүй болсон хэрэг өнгөрсөн зун гарсан. Тэгвэл жилийн өмнө сураггүй болсон нийслэлийн Багануур дүүргийн харьяат М-ийг эрэн хайх ажиллагааг дахин эхлүүлсэн байна.

Хэргийг эргэн сануулбал, өнгөрсөн оны зургадугаар сарын 15-ны өдөр Багануур дүүргийн харьяат хоёр иргэн Хагийн хар нуур гэх газар руу самарт түүхээр явсан байдаг. Харин 2021 оны зургадугаар сарын 20-нд иргэн М нь “Гэр рүү буцна” гэж яваад сураггүй болсон.

                 Иргэн М-ийг эрэн хайх ажиллагааг өнгөрсөн оны зургадугаар арын 28-наас долдугаар сарын 2-ны өдөр хүртэл үргэлжлүүлсэн ч, үр дүнд хүрээгүй учир зогсоосон байдаг. Тэгвэл иргэн М-ийн эрэн хайх ажиллагааг дахин хамтран хийх тухай хүсэлт онцгой байдлын байгууллагад ирж, дахин эхлүүлээд байгаа аж. Эрэн хайх ажиллагаа өнөөдрийн 06:00 цагаас эхэлжээ.