Нэг сая төгрөгөөс доош цалинтай иргэнд Нийгмийн даатгалын шимтгэлийн 50 хувийг буцаан олгох Засгийн газрын шийдвэр гарсан билээ. Үүнтэй холбоотойг НДШ-ийн буцаан олголт хэзээнээс иргэдийн дансанд орох талаар Нийгмийн даатгалын ерөнхий газрын Хэвлэл мэдээлэл, олон нийттэй харилцах хэлтсийн мэргэжилтэн М.Мөнхбаяраас тодрууллаа.

       Тэрбээр “Энэ сарын 25-аас  нэг сая төгрөгөөс доош цалинтай иргэдийн НДШ-ийн 50 хувийн буцаан олголт орно. Урьдчилсан байдлаар 600 мянга гаруй иргэн НДШ-ийн 50 хувийг буцаан авах тооцоо бий. Ажилласан байдлаасаа шалтгаалж, иргэдийн цалин өөрчлөгддөг учир НДШ-ийн буцаан олголт авах иргэдийн тоо харилцан адилгүй байна гэсэн үг. НДШ-ийн 50 хувийг улсын төсвөөс гаргаж буй учир иргэдийн төрийн санд бүртгэлтэй данс руу шилжүүлнэ. НДШ-ийн 50 хувийн буцаан олголтыг тавдугаар сараас он дуустал олгоно" гэлээ.