Энэ долоо хоногт зохион байгуулагдах урлаг соёлын үйл ажиллагаа, үзвэрийн хуваарийг   танилцуулж байна.

ДЭЛХИЙД ГАЙХАГДСАН МОНГОЛ УРЛАГ

Монголчуудын олон зууны турш өвлүүлэн уламжилж ирсэн ЮНЕСКО-н Хүн төрөлхтний соёлын биет бус өв болон Яаралтай хамгаалах шаардлагатай соёлын биет бус өвийн жагсаалтад орсон өвөрмөц соёл, нүүдэлчин ахуйг алдаршуулсан ардын аман зохиол, байгаль эхтэйгээ хүмүүний хэлхээ холбоог эрхэмлэдэг гүн ухааныг өлгийдөн авч, шимтэн таалаарай.

Хаана: Үндэсний урлагийн их театр
Хэзээ: Зургадугаар сарын 20-26-ны өдрүүдэд 18:00 цагаас

“ТУСГАЛ” драмын жүжиг

Дани улсын Копенгаген хотын эгэл жирийн Хелга Хансен, Нанна Ларсен, Ума Педерсен гэх 3 эмэгтэйн учрал тавилан юу байх бол? Тэд өөрсдийн шийдвэртээ эзэн болж, өөрсдийн ертөнцийг бүтээж чадах болов уу?

Хаана: Bee Theatre
Хэзээ: Зургадугаар сарын 20-24-ны өдрүүдэд 19:00 цагаас

“Уран хас” контемпорари  балет

Хэн ч, чамайг юу ч гэж байсан өөрийнхөөрөө орш! Хүсэл мөрөөдлийнхөө төлөө зүтгэ! Шинэ үе шинэ хандлага, шинэ харилцаа, шинэ нийгмийг бүтээхийн төлөө домогт “Уран Хас” шиг Марсын хүн болцгооё.

Хаана: Corporate Сonvention Center
Хэзээ: Зургадугаар сарын 22,23-ны өдрүүдэд 18:30 цагаас

“La La Land” балет

АНУ-ын найруулагч, продюсер Дэмьен Шазелийн 2016 онд бүтээсэн Оскарын шагналт “La La Land” мюзикл киноноос сэдэвлэн, медиа арт, холограм, драм хосолсон мюзикл балетын жүжгийг шинээр бүтээн туурвин та бүхэндээ хүргэх гэж байна.

Хаана: The Corporate and Convention Center
Хэзээ:  Зургадугаар сарын 25,26-ны өдрүүдэд 16:30 болон 19:00 цагаас

“Учиртай гурван толгой” дуурь

ДБЭТ тоглолтын 59 дэх улирлын нээлтээ “Учиртай гурван толгой” дууриар нээж, тус дуурийн 2450 дахь удаагаа тоглох гэж байна. Тус дуурь нь гурван бүлэг, таван үзэгдлээс бүрдэх юм.

Хаана: Улсын Дуурь Бүжгийн Эрдмийн Театр
Хэзээ: Зургадугаар сарын 25,26-ны өдрүүдэд 17:00 цагаас