Солонгос Улс бидэнд кино уран бүтээл, к-поп салбараараа танил болсон билээ. Цуврал киног нь үзээд очиж үзэхийг хүсдэг залуучууд цөөнгүй болсон энэ үед Солонгос Улсаар аялахдаа заавал очиж үзэх газруудыг танилцуулж байна.

Gyeongbokgung

Гёнбүкгүн хааны ордон нь Солонгос Улсад байрлах таван ордны хамгийн том нь юм.  Тус орчинд очсон жуулчид Солонгосын үндэсний хувцас болох ханбугыг түрээслэн өмсөж зургаа авхуулах үйлчилгээ байдаг байна.

The Garden of Morning Calm

Үлгэрийн оронд очсон мэт мэдрэмж төрүүлэх тус цэцэрлэгт хүрээлэнг олон кинон дээрээс харсан гэдэгт итгэлтэй байна. Энэхүү цэцэрлэгт хүрээлэнд 20 төрлийн 5000 гаруй ургамал 6000 гаруй лэд гэрлээр чимэглэжээ.

Намисом арал

Тус арал “Өвлийн хайрын дуу” киноны зураг авалтыг хийснээрээ алдартай бөгөөд кино зураг авалт хийгдсэн онцлох газруудыг тэмдэглэн үлдээсэн байдаг. Арал дээр жилийн дөрвөн улирал бүр онцгой өнгө төрхтэй байдаг бөгөөд аль ч улиралд очсон үзэсгэлэнтэй байдаг байна.

Намсан цамхаг

Солонгосын олон киноны хэсгийн  зураг авалт тус цамхаг дээр хийгдсэн бөгөөд 236,7 метр өндөртэй Солонгос Улсын хамгийн өндөр цамхаг юм. Тус газар амттай хоолны ресторануудаас гадна хосуудын хайраа цоожлон үлдээдэг дурсгалын хэсэг ч байдаг байна.

Хундэ

Залуусын  гудамж хэмээх тодотголтой тус газарт дэлгүүр, ресторан, клуб гээд олон төрлийн газраар орж үзэх боломжтойгоос гадна. Гудамжинд чөлөөтэйгөөр  дуу тавин бүжиглэж, дуулж байгаа залуусын үзэж сонирхох боломжтой.