“Бодит түүхээс сэдэвлэн бүтээв”  хэмээх бичиг бидний үзэж дуусгасан кинон дээр гарахад бид өрөвдөж, эсвэл тэдний хүсэл мөрөөдөлдөө хүрсэн бодит түүхээс суралцдаг билээ. Бодит түүхээс сэдэвлэж уран сайхны дүрслэл, зохиол орсон кино уран бүтээл цөөнгүй. Тэгвэл бодит түүхээс сэдэвлэсэн заавал үзэх ТАВАН киног санал болгож байна.

"Clouds"  

    Хорт хавдартай эмчлэгдэх боломжгүй мэддэг залуу амьдралыг өөдрөгөөр хардаг. Гэр бүл, найзууд, сургуулийнх нь найзууд түүнийг өвтэй гэдгийг мэддэг ч гадуурхдаггүй. Гол дүрийн залуу  Зак авьяаслаг дуучин бөгөөд түүний дуулж байгаа бичлэгийг эмэгтэй найз нь радиод өгснөөр дуу нь хит болж олон хүнч залуу мөрөөдлөө биелүүлж байгаагаар кино үргэлжилдэг. Энэхүү кино нь бодит түүхээс сэдэвлэн бүтээгдсэн бөгөөд “Zach Sobiech”-ийн дуулж байгаа бичлэгийг Youtube хуудаснаас үзэх боломжтой.

"Hope"

    Солонгос Улсад 2008 онд болсон аймшигт гэмт хэргээс сэдэвлэгдсэн бүтээгдсэн уран сайхны кино юм. На ёнг хэмээн найман настай охиныг сургуульдаа явах замд нь хүчиндэж, тамлан зовоосон Чо Ду Сүн нь согтуу, биеэ авч явах чадваргүй байсан гэх шалтгаанаар 12 жилийн ял авч 2020 онд суллагдсан бөгөөд өдгөө эрх чөлөөтэй амьдарч байна. Тус кинон дээр “Охиныг зовлонт үйл явдлаас хойш амьдарч болох хамгийн жаргалтай гэгээлэг байдлаар харуулсан”  хэмээн кино найруулагч нэгэн удаа хэлж байжээ.

"3096 days"

Natascha Kampusch охиныг 1998 оны гуравдугаар сарын 2-нд Wolfgang Přiklopil гэх залуу хулгайлж нууц өрөөнд найман жилийн турш хорьжээ.Охин 2006 оны наймдугаар сарын 23-ны оргож чадсан бөгөөд цагдаагийн байгуулга түүний ДНХ болон биен дээрх сорвины тусламжтайгаар таньсан байна. Хулгайлагдах үедээ 45 килограмм жинтэй байсан охин 48 килограмм жинтэй олдсон байна.

"Beautiful Boy"

Хар тамхинд донтсон хүүгээ эрүүл болгохын тулд тэмцэж байгаа аавын тухай гарах энэхүү кино нь Нью Йорк Таймс сонины сэтгүүлч Дэвид Шефф болон түүний хүүгийн дурсамж тэмдэглэлээс сэдэвлэн хийгдсэн уран сайхны кино юм. Өсвөр насны хүү багаасаа архи, хар тамхинд донтсон бөгөөд энэ бүхнээс хүүгээ гаргах гэсэн аавын тэмцэл, эцэг хүү хоёрын харилцааны талаар өгүүлдэг.

"Joy"

Дараагийн кино нь бизнес эрхлэгч нэгэн эмэгтэйг харуулсан. “Ingenious Designs”компани үүсгэн байгуулагч "Joy Mangano"-ийн бодит амьдралаас сэдэвлэсэн кино юм. Ганц бие ээжээс саятан болж чадсан тэрбээр урд нь таарсан саад бэрхшээлийг хэрхэн даван туулж байгаа талаар гардаг.