Аврах ангийн дэслэгч Ц.Наранбаатар захирагчтай завьт эргүүлийн бүрэлдэхүүн өнөөдөр Баянзүрх дүүргийн 11 дүгээр хороо Хар үзүүрт үүрэг гүйцэтгэж байхдаа голын усанд 50 орчим насны эрэгтэй урсаж байсныг уснаас гаргаж, 10 минутын турш хиймэл амьсгал хийн амьдруулж, ЯТТТөв шуурхай дуудлагын эмчид хүлээлгэн өгчээ.

Амралтын өдрүүдэд Туул,Тэрэлж, Хэрлэн гол дагуу иргэдийн зорчих хөдөлгөөн ихсэж, голын усны ослын эрсдэл нэмэгддэг тул иргэдийг голын усны ослоос урьдчилан сэргийлж, бага насны хүүхдийн аюулгүй байдлыг хангахыг нийслэлийн Онцгой байдлын газраас онцгойлон анхааруулж байна.