Орхон голд осолдсон байж болзошгүй 14 настай хүүг эрэн хайж байгаа талаар бид өмнө нь мэдээлсэн. Тэгвэл сураггүй болсон хүүгийн цогцсыг Орхон голын усны мандлаас олжээ.

                   Тодруулбал, Сэлэнгэ аймгийн Орхонтуул сумын нэгдүгээр багийн Рашаант тосгонд 14 настай малчин М зургадугаар сарын 14-ний 19:00 цаг орчимд яваад сураггүй болсон. Унаж явсан адуу нь усанд норсон байдалтай буцаж ирсэн тул усанд осолдсон байж болзошгүй гэж үзэн Тус аймгийн Онцгой байдлын газрын Эрэн хайх, аврах анги, Гал түймэр унтраах, аврах 61 дүгээр ангийн алба хаагчид, сумын Засаг даргын Тамгын газрын ажилтнууд эрэн хайх ажиллагааг эхлүүлсэн. Улмаар зургадугаар сарын 16-ний өдөр Рашаант тосгоны Цуу тайж гэх газраас зүүн хойд зүгт 15 километрт орших Гурван тархи гэх газар орчмын Орхон голын усны мандлаас талийгаачийн цогцсыг олжээ. Улмаар Сэлэнгэ аймгийн Сайхан сумын Цагдаагийн хэлтэст цогцсыг шилжүүлээд байгаа юм.