Дэлхийн эх газрын 40 гаруй хувь нь доройтолд өртөөд байгаа юм. Эдгээр бүс нутагт 1.5 тэрбум орчим хүн оршин суудаг бөгөөд тухайн ард иргэдийн амьжиргаа, эрх тэгш байдлыг бууруулах зэрэг эдийн засгийн сөрөг үр дагавар ихтэйд тооцогддог байна.

      Манай улсын хувьд 1996 онд цөлжилттэй тэмцэх конвенцыг баталсан эхний 50 улсын нэг болж байсан. 

   Монгол орны нийт нутгийн 76.9 хувь нь цөлжилттэй, газрын доройтолттой байна. Үүний 56 хувь нь байгалийн үзэгдэлтэй, 44 хувь нь хүний үйл ажиллагаатай холбоотой гэж үздэг аж. Сүүлийн 75 жилд газрын гадарга орчмын агаарын жилийн дундаж температур 2.1 хэмээр дулааран, жилд орох хур тунадасны хэмжээ багасжээ. Хангайн бүсэд дунджаар 10 жилд 1-2 удаа, говийн бүсэд хоёр жилд нэг удаа, хээрийн бүсэд гурван жилд нэг удаа болдог ган, хөрсний усаар болон салхиар эвдрэн өөрчлөгдөх болжээ