Та хаа нэгтээ өөрөө богино хэмжээний зохиол бичиж хүмүүст хүргэдэг “Wattpad” платформын талаар сонсож байсан уу. Энэхүү аппликейшн дээр  дуртай хүмүүс нь өөрийн хүссэн сэдвээр өгүүллэг, зохиол бичиж нийтэлдэг. Өдгөө 90 сая гаруй хэрэглэгчтэй  тус аппликейшнийг  Аллен Лау, Иван Юэн нар үүсгэн байгуулж байжээ. Тус апплекшиний эзэмших эрхийг 2021 онд Солонгосын “Never” корпорац худалдан авсан юм.  Тус аппликейшн дээр одоогоор 50 гаруй улсын хэл дээр бичигдсэн богино зохиолууд байрладаг. Жил бүр 35 улсын 300000 гаруй зохиолчид  “The Watty Awards” буюу тус аппликейшн дээрх хамгийн  шилдэг зохиолчийг шалгаруулах тэмцээнд оролдог.

    Тус аппликейшн дээр бичигдсэн зохиол зүгээр уншигдаад өнгөрөх бус кино зохиол болох тохиолдол цөөнгүй. Та бидний мэдэх “After” “The Kissing Booth” зэрэг кино нь Wattpad дээрх зохиолчдын бичсэн цуврал өгүүллэг байсан бөгөөд кино компаниуд зохиогчийн эрхийг худалдан авч бага зэргийн засвар хийснээр дэлгэцийн уран бүтээл болж байжээ.

“Wattpad” аппликейшний хамгийн шилдэг гурван зохиолч

Anna Todd

Алдарт “After” киноны зохиолч  Анна Тодд  “Wattpad”-ын хамгийн алдартай зохиолч юм. Тус зохиол 1.5 тэрбум гаруй хүн уншсанаар Нью-Йорк Таймс сонины бестселлерүүдийн жагсаалтын нэгдүгээрт бичигдэж, 30 гаруй хэлээр орчуулагдсан төдийгүй кино болон үзэгчдийн хүртээл болсон.

Beth Reekles

Британид Улсын иргэн  Бет нь зохиолоо ном болгон хэвлүүлсэн  анхны “Wattpad” зохиолчдын нэг юм. Түүний хайр дурлалын тухай романыг 15 настайдаа бичиж Wattpad дээр 19 сая уншигдаж, “Random House”-д ном болгон хэвлүүлж байжээ. Тэрбээр 2014 оны зун “Time” сэтгүүлийн "2013 оны хамгийн нөлөө бүхий 16 өсвөр насны шилдэг 16 залуу"-гийн нэгээр бичигдэж байсан бөгөөд 2014 оны зун "The Times" сэтгүүлийн "20 хүртэлх насны шилдэг 25" жагсаалтын 6-р байранд оржээ. Түүний зохиолын “Netflix” компани кино уран бүтээл болгосон билээ.

Abigail Gibbs

Абигаил Гиббс 18 настай байхдаа өөрийн уран зөгнөлт зохиолоо бичиж “Wattpad” апплекшиэн дээр нийтлсэн бөгөөд  17 саяд хүрч байжээ.