УИХ-ын чуулганы өнөөдрийн нэгдсэн хуралдаанаар “Хүнсний хангамж, аюулгүй байдлыг хангах талаар авах зарим арга хэмжээний тухай” Улсын Их Хурлын тогтоолын төслийг хэлэлцлээ. Энэ үеэр МХЕГ-ын дарга Б.Баасандорж "Махтай холбоотой асуудлуудад  МХЕГ, ХХАХҮЯ-аас шалгалт хийж байгаа. Дулааны аргаар боловсруулсан махаар хиам, бууз хийх боломжгүй. Үүнийг мэргэжлийн хүмүүс хэлж байгаа. Хиам, буузыг нойтон махаар амталж бэлтгэдэг. Дулааны аргаар боловсруулсан махыг хоёр улсын протоколын дагуу 80 хэмд боловсруулдаг. Тийм учраас хиам, буузанд ямар ч асуудал байхгүй” гэлээ.