Нийслэлийн Соёл урлагийн газрын хэлтсийн даргаар ажиллаж байсан Э.Цэнд-Аюуш, "Монголын соёл аялал жуулчлалын холбоо" ТББ-ын тэргүүн Э.Эрхэмбаяр нарын гурван хүнийг МҮОНРТ-ийн бэлтгэсэн контентыг өөрсдөө хийж гүйцэтгэсэн мэтээр хуурамч бичиг, тайлан гаргаж, мөнгө угаасан байж болзошгүй хэргээр шалгаж, хойшлуулшгүйгээр баривчилжээ.

      Тодруулбал, Монголын үндэсний олон нийтийн радио телевизийн 600 орчим сая төгрөгийн төсвөөр хийсэн түүхэн баримтад кино, контентыг тухайн үед хэлтсийн даргаар ажиллаж байсан Э.Цэнд-Аюуш нэр бүхий этгээдтэй хуйвалдан 2020 оны аравдугаар сард Нийслэлийн соёл урлагийн газраас зарласан "Соёлын биет бус өвийг өвлөн уламжлах аргачлал" тендерт хуурамч баримт бичиг бүрдүүлэн шалгарсан байна.  

     Улмаар Э.Цэнд-Аюуш "Монголын соёл аялал жуулчлалын холбоо" ТББ-ын тэргүүн Э.Эрхэмбаяр нар тухайн тендерт МҮОНРТ-ийн бэлтгэсэн контентыг 600 орчим сая төгрөгөөр өөрсдөө хийж гүйцэтгэсэн мэтээр хуурамч тайлан гаргаж, залилан мэхлэх замаар мөнгө угаасан байж болзошгүй байна. Э.Цэнд-Аюуш нь 2019-2020 онд Нийслэлийн соёл, урлагийн газрын Урлагийн хэлтсийн даргаар ажиллаж байсан аж.

Э.ЦЭНД-АЮУШ ГЭЖ ХЭН БЭ

      Тэрбээр 1986 онд Улаанбаатар хотын Налайх дүүрэгт мэндэлсэн. 1993-2003 онд Налайх дүүргийн "Голомт" цогцолбор дунд сургууль, 2003-2007 онд Мюзик Холл Театр Кино Хөгжмийн Дээд Сургууль, 2018-2020 онд Монгол Улсын соёл, урлагийн их сургуулийг тус тус төгссөн байна. Мөн тэрбээр Соёл, урлагийн менежментийн магистрийн зэрэгтэй.

2007-2009 онд Гэр бүлийн хөгжлийн төв ТББ-д Менежер,

2009-2016 онд Урлаг.мн сайтын Үүсгэн байгуулагч, захирал,

2009-2022 онд Монголын Сайтын холбоо ТББ-д Менежер, Удирдах зөвлөлийн гишүүн,

2009-2016 онд Монголын урлагийн залуучуудын холбоо ТББ-ын Үүсгэн байгуулагч, ерөнхийлөгч,

2016-2019 онд Монголын Морин спорт, залуу уяачдын холбоо ТББ-ын Үүсгэн байгуулагч, Удирдах зөвлөлийн гишүүн,

2013-2016 онд Эм жи эл медиа групп ХХК-д Маркетингийн албаны дарга,

2012-2015 онд Нийслэлийн Улаанбаатар чуулгад Маркетингийн менежер, албаны дарга,

2016-2021 онд Нийслэлийн Соёл, урлагийн газарт Хэлтсийн дарга, Газрын даргын түр орлон гүйцэтгэгч,

2021-2022 онд Соёлын яаманд Шинжээчээр тус тус ажиллаж байсан.

Э.Цэнд-Аюуш нь төрийн болон төрийн бус байгууллагуудад 15 жил ажилласнаас төрийн соёлын байгууллагад 10 жил удирдах, гүйцэтгэх албанд ажиллаж байжээ.