Улаанбаатар дулааны сүлжээ ТӨХК-аас энэ сарын 15-29-нийг хүртэл 14 хоногийн хугацаанд хэрэглээний халуун усыг түр хязгаарлах болсон талаар мэдээллээ.

       Ирэх өвлийн бэлтгэл ажлын хүрээнд дулааны шугам тоноглолд үзлэг, үйлчилгээ хийх, хаалт арматур солих, шинэчлэх, дулаалга болон жийргэвч шалгах, нягтын шахалт хийх, турших ажлууд хийх тул халуун ус хязгаарлаж буй. Энэ хугацаанд нэр дурдсан байршлуудын харьяа ОСНАА конторууд эзэмшлийнхээ шугам тоноглолд ээлжит засвар үйлчилгээгээ амжиж хийх шаардлагатай аж.

Хязгаарлалт хийх байршлууд:

• "Барс"  захаас "Хархорин" зах хүртэл
• Нэг болон 10 дугаар хорооллын авто замын урд хэсэг
• "Түндэмүн" саун
• Гурван билэг их дэлгүүрийн урд талын орчим,
• Хуучин тээврийн товчоо
• V хороолол
• 40, 50 мянгат
• Баруун дөрвөн зам орчим
• Хонхорын VII байр орчмын айл өрх
• ААН байгууллагын халуун усыг хязгаарлана.