НЗДТГ, Нийслэлийн Аялал жуулчлалын газар, Улаанбаатар чуулга, “Монголын чопперчин ахан дүүс” НҮТББ-тай хамтран зохион байгуулж буй “Талын салхи” олон улсын мото фестиваль Сүхбаатарын талбайд эхлэж байна. Энэ удаагийн фестивальд  21 аймаг болон монгол туургатан улсуудын төлөөлөл 500  гаруй тамирчид, мотоцикл сонирхогчид  оролцож байна.

  Олон улсад нэр хүнд бүхий наадам болсон “Талын салхи” мото фестивалийг энэ жил зургаа дахь удаагаа зохион байгуулж буй бөгөөд цар тахлыг даван туулсны дараах томоохон арга хэмжээ болж байгаагаараа онцлог. Мото фестивальд нийтдээ 35 мотоциклын клуб, холбоод хүч нэгтгэж буй юм.