Цагдаагийн албан хаагчид сэтгүүлчийн биед халдсан талаар Gerelnews.mn сайтын сэтгүүлч Г.Гэрэлмаа мэдээлэл өглөө.

   Тэрбээр “Өчигдөр шөнө цагдаагийн байгууллагад хэнтэй ч холбогдож чадаагүй, бүх зүйлээ хураалгаад, ямар ч хүнтэй харилцаа тогтоох боломжгүй хүнд байдалд орсон. Намайг Зайсангаас баривчлаад цагдаагийн газарт аваачсан. Зайсангийн Богдханы ногоон бүсэд сэтгүүлчийнхээ ажил үүргийг гүйцэтгэн лайваар мэдээлэл дамжуулсан. Гэтэл цагдаагийн байгууллагаас шууд “Лайваа зогсоо, үгүй бол чамайг ална” гэдэг байдлаар хандсан. Мөн камер, утас булааж авч, нэгэндээ дамжуулаад өгөхгүй байсан. Ямар үндэслэлээр намайг баривчилж байгаа юм гэж асуухад “Та согтуу хууль бусаар бичлэг хийсэн” гэдэг хариултыг өгсөн. Мөн машин руу авч явахдаа олон удаа цохиж, түлхэж, дээрэнгүй байдлаар хандсан. Цагдаа нар камерын өмнө шударга болж, камер унтраахаар харгис болдог юм билээ” гэв.