Сэтгүүлчийн биед халдсан асуудлаар ЦЕГ-ын Хэвлэл мэдээлллийн төвийн дарга Б.Баатархүү мэдээлэл өглөө. Тэрбээр  “Хүмүүс цагдаагийн албан хаагчийн тавьсан шаардлагыг хүч хэрэглэн машин тэргээрээ түрсэн асуудал гарсан, согтуу байсан хэрэг гарсан. Энэ үеэр Парламент телевизийн сэтгүүлч Гэрэлмаа гэмтлээ гэдэг асуудал гарсан. Сэтгүүлчийн биед гэмтэл учруулсан байж болзошгүй үйлдэл дээр гомдол мэдээлэл бүртгээд шалгалтын ажиллагаа хийж байгаа. Үүн дээр дүүрэг дэх цагдаагийн хэлтсээс сэтгүүлчээс тайлбар, мэдүүлэг авч байгаа. Цагдаагийн албан хаагч ёс зүйгүй харилцсан, сэтгүүлчийн эрх чөлөөнд халдсантай холбоотойгоор Цагдаагийн Ерөнхий газраас албан шалгалт хийхээр шийдвэрлэсэн" гэв.