Сэтгүүлчийн биед халдсан асуудалтай холбоотойгоор цагдаагийн байгууллага Богдхан ууланд ямар учраас ажилласан талаарх мэдээллийг Нийслэлийн цагдаагийн газрын дарга Б.Оюутболд өглөө.

  Тэрбээр “Нийслэлийн засаг даргын 2022 оны тавдугаар сарын 27-ны өдрийн А740 дугаартай захирамжаар Нийслэлийн цагдаагийн удирдах газарт Богдхан уулын тусгай хамгаалалттай газар нутаг дээр Нийслэлийн газрын харилцаа барилга хот байгуулалтын газар, Нийслэлийн мэргэжлийн хяналтын газраас зөвшөөрөлгүй барилга байгууламж, газрыг албадан буулгах ажиллагааг явуулахад Нийслэлийн цагдаагийн удирдах газар орчны аюулгүй байдлыг хангах, нийтийн хэв журмыг хамгаалах чиглэлээр дэмжлэг үзүүлэх ажиллахыг үүрэг болгосон. Ингээд албадан буулгах ажиллагааг Мэргэжлийн байгууллага хийсэн. Энэ үйл ажиллагаанд цагдаагийн байгууллагын зүгээс иргэдийн хооронд маргаан гарч, хэв журам алдагдахаас сэргийлж ажилласан” гэв.