Нийслэлээс Богдхан уулын Зайсангийн амын ногоон бүс рүү нэвтрэх гарцыг эксватороор хаасан зөрчлийн талаар мэдээлэл хийлээ.

    Энэ үеэр ахлах зөвлөх М.Мөнх-Эрдэнэ “Өчигдөр дархан цаазат Богдхан уулын Зайсангийн амын ногоон бүс рүү нэвтрэх гарцыг эксватораар хаасан. Энэ үед хүн гэмтэж, бэртэх, галт түймрийн аюул гарах онцгой нөхцөл байдал үүссэн үед цагдаа, эмнэлгийн тусламж үйлчилгээ, Онцгой байдлын алба очиж ажиллах боломжийг хаасан байсан. Иймээс бид очиж, эксковаторыг зайлуулах ажлыг зохион байгуулсан. Мөн маш хэмжээний хо үүссэнийг зөөж, хөрсийг эрүүлжүүлэх, ногоон байгууламжийг хамгаалахад саад болж байсан үйл ажиллагааг таслан зогсоосон. Энэхүү ногоон бүсэд газар эзэмшигчээр зөвшөөрсөн хүрээнд газрын аль нэг ашигтай талыг ашиглах эрхтэй байдаг. Тэнд орон сууц барьж болохгүй, зөвхөн судалгаа шинжилгээний зориулалтаар хүн байрлуулж болдог. Тэгэхэд сүүлийн хоёр жил цар тахлын улмаас үйл ажиллагаа явуулаагүй байхад гэмт хэрэг зөрчлийн 150 дуудлага энэ бүсээс ирсэн.  Энэ ч утгаар Зайсангийн амны орц, гарцыг хаасан зөрчлийг арилгасан” гэв.