Энэ сарын 2-нд хүүхдийн тоглоомын талбайд согтууруулах ундааны зүйл хэрэглэж, тус талбайд байрлах гулсуур доор бие засаж буй дөрвөн эмэгтэйн зураг, бичлэг олон нийтийн сүлжээгээр цацагдсан.

      Дээрх зөрчлийн шинжтэй үйлдэлд ЦЕГ-ын Зөрчлийн хэрэг бүртгэх газраас зөрчлийн хэрэг бүртгэлтийн ажиллагаа явуулахад энэ сарын 2-ний 06:00-07:00 цагийн үед Баянгол дүүргийн тавдугаар хорооны нутаг дэвсгэр, аравдугаар хорооллын орон сууцны гаднах хүүхдийн тоглоомын талбайн саравчинд 21-23 настай, эмэгтэй, “Г”, “Д”, “А”, “В” нар нь согтууруулах ундаа хэрэглэхийг хориглосон газарт архидан согтуурсан, улмаар хүүхдийн тоглоомын талбайд байрлах гулсуурын доор бие зассан зөрчил үйлдсэнийг тогтоогдсон. Иргэн “Г”-д Монгол Улсын Зөрчлийн тухай хуулийн тусгай ангийн 5.1 дүгээр зүйлийн 1, 2 дахь хэсэгт зааснаар, иргэн “Д”, “А”, “В” нарт мөн хуулийн 5.1 дүгээр зүйлийн хоёр дахь хэсэгт зааснаар тус бүр торгох шийтгэл оногдуулсан байна.