УИХ-ын гишүүн Б.Баярсайхан Нийгмийн бодлогын байнгын хорооны хурлын үеэр “Завхан аймгийн  төрийн албан хаагчид илүүдэл жингээсээ салъя. Зөв хооллолтын багш нарыг авчраад аймгийн багш, ажилчдад заалгая. Эрүүл амьдарч болдгийг иргэдэд үлгэрлэе гэсэн. Гэтэл ЭМЯ энэ төсөлд 70, 80-хан сая төгрөг хуваарилж чадахгүй байна” хэмээн хэлсэн билээ.

 Үүнтэй холбоотойгоор бид Завхан аймгийн Засаг дарга Д.Түвшинжаргалтай холбогдож, тодрууллаа. Тэрбээр “Манай аймаг  тийм санхүүжилтийн талаар яриагүй. Тэр үгийг хэлсэн гишүүн нь хариу хэлэх байх. Манай аймагт ерөнхийлөгчийн "Илүүдэл жингүй-Эртэч Монгол" хөдөлгөөн яваад дууссан. Тэр хөдөлгөөнд зориулж санхүүжилт аваагүй” гэсэн юм.