Шүүх бүрэлдэхүүн шүүгдэгч Н.Түвшинбаярт оноосон ялыг танилцуулж байна. Энэ үеэр улсын шүүгч Н.Түвшинбаярыг “Бусдын аминд хүрч, эд хөрөнгийг гэмтээсэн гэм буруутайд тооцсон” гэв. Энэ үеэр  хохирогчийн өмгөөлөгч О.Санчирбал “Хохирогчийн хууль ёсны төлөөлөгчийн өмгөөлөгчийн хувьд зөв, буруу гэх санаа дэвшүүлэхэд эрт байна. Шүүхийн шийдэх тогтоол бичгээр 15 хоногийн дотор хуулийн хүрээнд гарна. Энэ тогтоол гарсны дараа гомдолтой эсэхийг шийдвэрлэх асуудал яригдана. Гэмт хэргийн улмаас учирч буй хохирол, хор уршгийн талаар олон нийт зөв ойлголттой байх ёстой. Хохирогч найман сарын хугацаанд БНСУ-д эмчилгээ хийлгэсэн. Энэ үеэр шүүгдэгч Н.Түвшинбаяр 2.5 тэрбум орчим төгрөгийн эмчилгээний зардал төлсөн. Гэхдээ хохирогчийн хууль ёсны төлөөлөгч Б.Нандинцэцэгийн дансанд ороогүй. Зөвхөн БНСУ-ын эмнэлгийн дансанд дээрх мөнгө орсон.