Баяр наадам зохион байгуулах хорооны дарга Шадар сайд С.Амарсайхан баяр наадмын талаар мэдээлэл хийлээ. Тэрбээр, Засгийн газрын хуралдаанаар баяр наадам тэмдэглэх зарим асуудлыг хэлэлцэн шийдвэрлэлээ. Баяр наадам долдугаар сарын 10, 11-нд орон даяар болно. Тэгш ой тохиож буй таван аймгийн наадам долдугаар сарын 29-ний дотор болно.  Мөн Төрийн ёслол хүндэтгэлийн концертыг Соёлын төв өргөөнд хийдэг байсан бол энэ жил Төв талбайд зохион байгуулж, Хүй долоон худагт “Улаанбаатарын үдэш” цэнгүүн болно. Энэ жилийн наадмаар гурван тэрбум төгрөг зарцуулахаар төсөвлөсөн боловч Төсвийн тодотголоор 2.3 тэрбум төгрөг зарцуулахаар төсөвлөсөн. Баяр наадмын урлаг соёлын арга хэмжээний хөтөлбөрийг Соёлын яамнаас танилцуулна” гэлээ.