Холимог тулаанч З.Шинэчагтага, Монгол Улсын Гавьяат тамирчин Э.Цэндбаатар нар 600 саяын бооцоотой халз тулалдах талаар мэдээлэл хийлээ. Тодруубал, тус хоёр тамирчин нь  тус бүр 300 сая төгрөгийн бооцоо тавиад, өөр өөрсдийн чиглэлээр тулалдахаар болсон юм.

  Тус мэдээллийн үеэр тулаанч, тамирчин хоёр хоорондоо муудалцаж, нэгэндээ хандаж үг хэллээ. Тулаанч З.Шинэчагтага “Э.Цэндбаатар бол холимог тулаанаар үзвэл надад нэг минут ч тэсэхгүй” гэсэн бол Э.Цэндбаатар “З.Шинэчагтага өөрөө  тулааныг хүлээн зөвшөөрсөн. Хэрэв З.Шинэчагтага боксдоо байсан бол миний араас гарахгүй байсан. Би Шинээ шиг пээдгэр, юу ч чадахгүй хүмүүст дургүй. Би чамайг зүгээр л зодмоор байна. Чамд хүйтэн царайнаас өөр зүйл байхгүй. Худлаа хүйтэн царайнаас нь айна гэж бодож байх шиг байна” гэв. Мөн энэ үеэр Э.Цэндбаатар, тулаанч З.Шинэчагтага руу ус цацаж, уур бухимдалтай байгаагаа илэрхийллээ. Тэдний хувьд хэдийн тулааныхаа бэлтгэлд орсон бөгөөд хоёр сарын хугацаанд бэлтгэл хийснээр тулалдах юм байна.