Н.Түвшинбаярыг шүүх хурал үргэлжилж байна. Шүүх хурлын үеэр хохирогчийн өмгөөлөгч Х.Баасанжаргал шүүх хуралдааны яллах дүгнэлт уншиж сонсгох, гэрч Т.Ганзул, хохирогчийн хууль ёсны төлөөлөгч С.Гал-Эрдэнэ нарын мэдүүлгийг сонсох, нотлох баримт шинжлэх судлах хэсгийг бүхэлд нь хаалттай явуулах санал гаргасан байна. Харин хохирогчийн өмгөөлөгч Б.Бат-Ерөөлт яллах дүгнэлт унших хэсгийг бүхэлд нь нээлттэй сонсгож бусад хэсгийг хаалттай горимоор явуулах санал гаргасан байна. Тиймээс өмгөөлөгчдийн саналыг хэлэлцэж, шүүх хурлыг нээлттэй явуулах эсэхийг шийдэхээр хурал түр завсарласан билээ. Шүүх хуралд С.Гал-Эрдэнэ хохирогчийн хууль ёсны төлөөлөгчөөр оролцож байгаа нь олны анхаарлыг татаж байгаа юм. Учир нь,  С.Гал-Эрдэнийг "Зодоон болж буйг мэдсээр байж хаалгаа цоожилсон. Зодооныг салгаж, хэргийг нуун далдалж, иргэний үүргээ гүйцэтгээгүй” гэх шалтгаанаар шалгаж, яллагдагчаар татах саналыг мөрдөн байцаагч нь прокурорт хүргүүлсэн байдаг. Тэрбээр энэ хэрэгт хэд хэдэн удаа шалгагдаж, мэдүүлэг өгсөн байдаг.