Боловсрол, шинжлэх ухааны сайд Л.Энх-Амгалан тэргүүтэй төлөөлөгчид Тайландын Хаант Улсын Бангкок хотноо энэ зургадугаар сарын 5-7-ны өдрүүдэд зохион байгуулагдсан. “Тогтвортой хөгжлийн дөрөв дэх зорилт-Боловсрол 2030” сэдвийн хүрээн дэх Ази, Номхон далайн Боловсролын сайд нарын хоёрдугаар бага хуралд оролцлоо.

  Энэ өдөр НҮБ-ын Боловсрол, шинжлэх ухаан, соёлын байгууллагa (ЮНЕСКО)-ын Гүйцэтгэх зөвлөлийн дарга, хатагтай Тамара Растовак Сиамишвили-тэй хоёр талын уулзалт хийв.

Уулзалтын үеэр монголын талаас НҮБ-ын Боловсрол, шинжлэх ухаан, соёлын байгууллагын Гүйцэтгэх зөвлөлийн гишүүнээр ажиллах зорилт тавин ажиллаж буйг танилцуулав. Мөн “Боловсролыг дахин төсөөлөх: Боловсролын төлөөх нийгмийн шинэ гэрээ (Reimagining Education: A new social contract for education) сэдэвт тайланг монгол хэлээр орчуулж, үндэсний хэлэлцүүлэг зохион байгуулахаар талууд тохиролцжээ.

 Түүнчлэн НҮБ-ын Боловсрол, шинжлэх ухаан, соёлын байгууллагa (ЮНЕСКО)-ын Ерөнхий захирал Одри Азулей-н Монгол Улсад хийх албан ёсны айлчлалын бэлтгэлийг хангах, айлчлалын үеэр  байгуулах баримт бичгийн талаар ярилцав.