Хөвсгөл аймгийн Мөрөн сумын Элст багаас хүний цогцос олдсон тухай дуудлага мэдээлэл энэ сарын 5-нд Онцгой байдлын газар иржээ. Дуудлагын дагуу тус аймгийн Онцгой байдлын газрын алба хаагчид хоёр км зам туулж очиход “Гурил тэжээл” ХХК-ийн зооринд тус сумын долдугаар хорооны харьяат иргэн Г-гийн 14 настай хүү нас барсан байсан тул цогцсыг гаргаж, тус аймаг дахь Цагдаагийн газрын жижүүрийн бүрэлдэхүүнд шилжүүлэн өгсөн байна. Талийгаач энэ сарын 2-нд гэрээс гараад сураггүй байсныг Цагдаагийн байгууллага эрэн хайж байжээ.