Хэнтий аймгийн Жаргалтхаан суманд хүчтэй шороон шуурга болжээ. Тодруулбал, сумын төвөөс баруун урд зүгт 30 км-т орших Баянцогт багийн Бяцхан булаг хэмээх газарт өчигдөр 19:30 цагийн орчимд 16-19 м/с хүчтэй шороон шуурга болсон байна. Шороон шуурганы улмаас таван ханатай гэр нурсан тухай мэдээллийг мөн үдшийн 20:05 цагт Онцгой байдлын газар хүлээн авсан байна. Тус багийн малчин Б-гийн таван ханатай гэр нурж, ашиглах боломжгүй болсон тухай мэдээллийг аймгийн Онцгой байдлын газарт өгсөн байна.