Эмээлтийн мах боловсруулах үйлдвэрүүдийн нөхцөл байдалтай холбоотой асуудлаар холбогдох мэргэжлийн байгууллагууд мэдээлэл хийж байна. Энэ үеэр Мэргэжлийн хяналтын ерөнхий газрын дарга Б.Баасандорж мэдээлэл өглөө.

Тэрбээр “Мэргэжлийн хяналтын ерөнхий газар үндсэн долоон чиглэлд  хяналт тавьдаг. Эрүүл мэнд, байгаль орчин, хүнсний аюулгүй байдал, дэд бүтэц ,нийгмийн хамгаалал, хөдөлмөр гэх мэт . Эндээс хамгийн эрсдэл өндөртэй нь хүнсний аюулгүй байдал, эрүүл мэнд , байгаль орчин. Монгол Улсад үйл ажиллагаа явуулж компани гадаад дотоодын хамгаагүй үндсэн хууль журамд байгаа шаардлагыг мөрдөж ажиллах ёстой. Улсын хэмжээнд махны чиглэлээр үйл ажиллагаа явуулдаг  173 аж ахуй нэгж байна. Үүнээс  61 нь гадаад улс руу экспортын чиглэлээр үйл ажиллагаа явуулдаг. Энэ экспортоос 31 компани нь урагшаа Хятад Улс руу чиглэж ажилдаг. Энэ 31 компаниас  15 компани нь дулааны аргаар махаа бэлтгээд  экспортолдог. Мэргэжлийн хяналтын байгуулга төлөвлөгөөт болон төлөвлөгөөт бус гэсэн хоёр хяналт шалгалтыг хийдэг . Төлөвлөгөөт бус хяналт шалгалтыг  олон нийтийн хэвлэл мэдээллийн хэрэгсэл, иргэд , хэрэглэгчээс ирсэн гомдол мэдээллийн дагуу шалгалт хийдэг. Манай байгуулга тавдугаар сарын 18-наас улсын хэмжээнд махны чиглэлээр үйл ажиллагаа явуулж байгаа компаниуд болон гадагшаа мах экспортолдог компани болон эмээлтэд мах бэлтгэдэг 32 компани дээр хяналт шалгалт хийж байгаа. “Эм Ди Си Пи” ХХК дээр зөрчлийн болон эрүүгийн хэрэг үүссэн. Манай байгуулга хүн бүхэнд нээлттэй, ямар ч мэдээллийн хэрэгсэл ирээд сурвалжилга хийж болно. Гэхдээ миний хувьд мах чанасан асуудалд шүүмжлэлтэй байгаа. Байцаагч, иргэд асуудал гарсан бол лабораторийн шинжилгээний дүн гарсны дараа махыг хэрэглэх үү, хэрэглэхгүй байх уу гэдгийг шийдэх ёстой. Гэтэл мах чанаж идсэн нь их эрсдэлтэй алхам болсон. Мэргэжлийн хяналтын байгууллагаас  прокурор дээр хэрэг үүсэн учраас тогтоолын дагуу прокурорын хяналтын дор лац тавьсан.  Лацыг прокурорын зөвшөөрөлгүй мэргэжлийн хяналтын байцаагч, цагдаагийн байгуулга, иргэний аль нь ч лацыг хөндөж, гэмтээж, авч болохгүй. Энэ нь зөрчлийн асуудал болно” гэлээ.